Tay aso nga taol nga taol saan a makakagat ken makadunor.

Mabiag ti kalkalsada, matay ti koskosina

Ti nalaka ti pannakasapulna, nalaka met ti pannakapukaw na.

No trabaho, gulpien, no kanen, in-inuten.

Ti tao nga mannarita, awan ti ania nga magapuananna.

Ti bassit a kayo nalaka a lintegen, ngem no dakkel narigaten.

No ania ti imulam, isu ti apitem.

Saanmo a mapadara ti awan darana.

Awan ti ngumato a dinto bumaba.

Ti saan nga makaammo nga mangtaliaw ti naggapuanna, saan a makadanon ti papananna.

Di pay naluto ti paria simmagpaw ti karabasa.

Adda lallaki nga guwapo ti adayu. Adda met dagijay adayu nga agbalin nga guwapo.

Sukatan da latta kuman "ignored" jay "seen" ijay Facebook lattan, tapnu mas feel mo ti tama na.

Sssshhhhh, haan ka unay agdramdrama, awan bibyang da.

Haan nga amin nga post ko, maipanggep kanyam. Ken haan nga amin nga maipanggep kanyam, ipost ko.

Tuy pusok ket kasla balot. Maymaysa't chicks na.

Tourist guide ka kadi? Ipasyar nak man idta pusom.

Aramid pakakitaan.

No awan ti anus, awan ti lamot.

Sabali nga ili, sabali nga ugali.